Пульмонологон æххуысы республикон центр апрелæй пациентты исы фæсивæдон центр"Барс"-ы

Рæмонты Сослан пульмонологон центры ныридæгæн йæхи дзæбæх кæны 10 боны. Ардæм æрбахауд бронхæты астмæимæ. Дохтыртæ алцыдæр кæнынц йæ уавæр фæхуыздæр кæнынæн. Æрыгон адæймаджы уæлдай фæнысан кæнын фæнды кусджыты узæлд æмæ хорз ахаст. Райсом райдайы æнæмæнг процедурæтæй. Уый фæстæ та тезгъо сыгъдæг хæххон уæлдæфы. Æппæт æмбæлгæ уавæртæ дæр дзы ис. Бон дзы цалдæр хатты рафснайынц, бæстыхæйттæ сыгъдæг дарынц. Санитарон уавæртæй рахъаст кæнæн нæй. Медицинон кусджытæ дæр раппæлинаг сты. Æппынæдзух нæ фарсмæ сты, узæлынц ныл. Ныртæккæ медицинон кусджыты уавæртæ фæивтой, фæлæ уый дзæбæхгæнæн мадзæлтты хæрзхъæддзинадыл нæ фæзынд. Сæргълæууæг Сергей Меняйлойы уынаффæмæ гæсгæ, апрелæй пациентты исын райдыдтой фæсивæдон центр "Барс"-ы. Пациенттæ фæцахуыр сты. Республикон центрæй уæлдай ам уавæртæ бирæ хуыздæр сты. Разамындæн бузныг, рæстæгмæ нæ «Барсмæ» кæй раивтой, уый тыххæй. Егъау рацарæзты æмгъуыд нысангонд æрцыд: 2026-æй 2028-æм азмæ. Бынаты зæронд дыууæуæладзыгон бæстыхайы бæсты фæзындзæн æхсæзуæладзыгон комплекс нырыккон кусæнгæрзтимæ æмæ пациенттæн æмбæлгæ уавæртимæ. Куыд раздæр, афтæ ныр дæр дохтыртæ æххуыс кæнынц бындурон здæхтытæм гæсгæ: пульмонологи, аллергологи, реабилитаци. Ифтонггæрзтæ дзуапп дæттынц æппæт нырыккон домæнтæн. Дзæбæх кæнынмæ бахауын æнцон у: участочы терапевтæй хъæуы медицинон æххуысы фæдыл сыф райсын. Пациенттæ ам фæвæййынц 8-æй 14 боны онг. Фæлтæрдджын дохтыр Фæрниаты Эльбрус йæ дæсныйадæн радта 40 азæй фылдæр. Йæ ныхасмæ гæсгæ, рæстæгмæ уавæртæй...