ӨБҮГЭ ААРТЫГЫНАН”

Сахабыт сирин историятын, өбүгэлэрбит олохторун-дьаһахтарын билсэн бүгүҥҥү олоххо хайдах туһанар сыаллаах-соруктаах дириҥ ис хоһоонноох бырайыакпыт быйыл иккис төгүлүн ыытылынна. Быйыл эмиэ Дьокуускайдааҕы Чирээйэптэр ааттарынан национальнай гимназия оҕолоро кэлэн ыалдьыттаатылар. Кинилэри кытта “Үүнүү” киһи сайдар институтуттан история наукатын кандидата Афанасий Алексеевич Николаев, дьиэ кэргэн педагога Любовь Семеновна уонна кыраайы үөрэтээччи Мария Егоровна Филиппова кэлэн ураты билиилэринэн үллэһиннилэр. “ЭЙГЭ” лааҕыр оҕолоро олус долгуйа көрүстүлэр, анаан-минээн кэнсиэр туруоран көрдөрдүлэр, имигэс илиилэринэн хас биирдии ыалдьыкка харыга кэтэр киэргэл өрөн бэлэх ууннулар. Көрсүһүүбүтүгэр күн көрүстүбүт, күн туһунан санаабытын үллэһиннибит. Саҥа күн хайдах төрүүрүн көрөр наһаа да долгутуулаах буолар эбит диэн олус долгуйа көрдүбүт. Нөҥүө күнүгэр Любовь Семеновна, Мария Егоровна киһини кэрэхсэтэр лиэксийэлэрин иһиттибит уонна дьэ, өбүгэлэрбит аартыктарын 14-16 үү өбүгэлэрбит олорон ааспыт ытык сирдэригэр сылдьан Афанасий Алексеевич сэргэх кэпсээнин истэн, чахчы да дириҥ историялаах эбиппит диэн итэҕэйэн инникигэ эрэллээх эргилиннибит.