Далер Шариф дар бораи идеология, худшиносии миллӣ ва тими "Китобхон"

Ҳамакнун аз нашри аввалин барномаи "Китобхон" қариб дувуним сол сипарӣ мегардад. Дар ин муддат муаллифони барнома беш аз сад нашри онро тавассути саҳифаии "YouTube"-и "Китобхон" пешниҳоди мардум кардаанд. Мо дар аввалин барномаи "Гуфтумон" сӯҳбате доштем бо Далер Шариф, ровӣ ва яке аз ташкилкунадагони асосии ин лоиҳа. Дар ин сӯҳбат мо аз Далер перомуни ташкили барномаи "Китобхон" ва роҳи тайкардаи онҳо, худшиносии миллӣ, мушкилоти ҷомеа ва журналистика ва масъалаҳои вобаста ба миллату ҷомеа пурсон шудем. Меҳмони мо бовар дорад, ки қавӣ гаштани миллат ба китобу китобхонӣ сахт вобастагӣ дорад. Ба иддаъои ровии ин лоиҳа, онҳо бидуни сарпарастии нафарони алоҳида ва ташкилоту созмонҳо то имрӯз ин барномаи худҷӯшро таҳия ва нашр мекунанд. Ҳадафи ин барнома таблиғи китоб, илм, маърифат ва андешаи солим мебошад. - Мо борҳо гуфтем, ки идеяи “Китобхон” як идеяи худҷӯш буд ва ин идея аз батни ҷомеа пайдо шуд. Мо баъди он ки мушоҳида кардем як сабаби тағйирот накардан ё бисёр ба кундӣ пеш рафтани ҷомеаи мо ва ҳамчунин масъалае, ки мардум наметавонанд ахборро ҳазм кунанд, ё матнро дуруст бифаҳманд ва ё дурусту дақиқ бо забони модарии худ сӯҳбат кунанд, нахондани китоб аст, пасон тасмим гирифтем чунин барномае ташкил кунем, то тававассути он мардумро ба самти китоб ва мутолиа даъват кунем. Аз аввали лоиҳа то имрӯз борҳо эълон кардем, ки ҳадафамон маблағ ба даст овардан ё шӯҳратхоҳӣ набуд ва нест. Танҳо хостем, ки хизмате барои ҷомеа карда бошем, - гуфт Далер Шариф. Гардонандаи...