Медицинон конференци, Хъодзаты Æхсары тыххæй æмæ фæсивæды æмзæрдиондзинады Бон | Йæ рæстæгыл

Дохтырты конференци уыд нæ республикæйы. Мæскуыйы, Санкт-Петербурджы, Стъараполы крайы, нæ республикæйы, Кæсæг-Балхъар æмæ Дагестаны специалисттæ дзырдтой стæгниз, зæрдæйы, туджы æмæ ахсæны низтæ кæрæдзиуыл куыд ахадынц, уый тыххæй. Цы уаид пайда нæ республикæйы цæрджытæн фехъусын? Уый охыл нæ студимæ фæхуыдтам конференцийы архайæджы. 89 азы æххæст кæны зындгонд фыссæг Хъодзаты Æхсары райгуырдыл. Ирон литературæ æмæ культурæйы Æхсарæн ахсджиаг бынат ис. Фыссæг райгуырд 28-æм апрелы Бруты. Йæ гуырæнбоныл нымад цæуы 30-æм июнь. Фæлæ фыссæджы ныййарæг кæддæр загъта: "Æхсар райгуырд фыццæгæм маймæ ма дыууæ боны куы хъуыд, уæд". Уæдæй фæстæмæ Хъодзаты бинонтæ Æхсары гуырæнбон райдыдтой апрелы бæрæг кæнын. Уыцы фæткмæ гæсгæ, мах сфæнд кодтам Æхсары ном æрæмысын. Фæсивæды æмзæрдиондзинады Боны кадæн - нæ ныхас. Цæгат Кавказы хæххон-металлургон институты архитектурæ æмæ дизайны Академийы студенттæ кусынц Мызуры рæзты пълан саразыныл. Ацы хъуыддаг хаст у республикон конкурс "Новые берега"-йы фæлгæтмæ. Æрыгæтты бафæндыд поселочы æддаг бакаст фæзæрдæмæдзæугæдæр кæнын, цæмæй дзуапп дæтта нырыккон домæнтæн. Фидæны архитектортимæ фембæлдыстæм "Йæ рæстæгыл".