СВЯТОЙ ПРЕПОДОБНЫЙ ДАНИИЛ ПЕРЕЯСЛАВСКИЙ.

#житиеПреподобногоДаниилаПереяславского Тропарь преподобному Даниилу Переяславскому: От юности, блаженне, всего себе Господеви возложив, выну повинуяся Богу, противяся же диаволу, страсти греховныя победил еси. Тем сам храм Божий быв, и обитель красну во славу Пресвятыя Троицы воздвигнув, и собранное тобою в ней стадо Христово богоугодно упас, преставился еси к вечным обителем, отче Данииле. Моли Триипостаснаго во едином существе Бога, спастися душам нашим. Кондак: От познания себе пришед в познание Бога и благочестием к Нему восприим начало чувства внутренняго, разум свой пленил в послушание веры; тем и, подвигом добрым подвизався, достигнул еси в меру возраста совершенна исполнения Христова, яко Божие тяжание, Божие здание, делал еси брашно, не гиблющее, но брашно, пребывающее в живот вечный. Да будут единодушно вси насаждение Господне в славу, моли, блаженне, Единаго Человеколюбца Бога. Ин кондак: Невечерняго Света пресветлое светило, жития чистотою просвещающее всех, явился еси, отче Данииле, образ бо и правило иноком был еси, сиротам же отец, и питатель вдовицам. Сего ради и мы, чада твоя, вопием ти: радуйся, радосте и венче наш; радуйся, многое имый к Богу дерзновение; радуйся, граду нашему велие утверждение. Величание: Ублажаем тя, преподобне отче Данииле, и чтим святую память твою, наставниче монахов и собеседниче ангелов.