84 Псалом | Собор Святого Саввы Сербского (Белград)

84 Псалом. 1 Благоволил еси, Господи, землю Твою, возвратил еси плен Иаковль: 2 оставил еси беззакония людей Твоих, покрыл еси вся грехи их. 3 Укротил еси весь гнев Твой, возвратился еси от гнева ярости Твоея. 4 Возврати нас, Боже спасений наших, и отврати ярость Твою от нас. 5 Еда во веки прогневаешися на ны? Или простреши гнев Твой от рода в род? 6 Боже, Ты обращься оживиши ны, и людие Твои возвеселятся о Тебе. 7 Яви нам, Господи, милость Твою, и спасение Твое даждь нам. 8 Услышу, что речет о мне Господь Бог: яко речет мир на люди Своя, и на преподобныя Своя, и на обращающыя сердца к Нему. 9 Обаче близ боящихся Его спасение Его, вселити славу в землю нашу. 10 Милость и истина сретостеся, правда и мир облобызастася. 11 Истина от земли возсия, и правда с Небесе приниче, 12 ибо Господь даст благость, и земля наша даст плод свой. 13 Правда пред Ним предъидет, и положит в путь стопы своя. Псалтирь - это духовная защита от любых темных сил, слушайте (ещё лучше подпевайте) регулярно...