Quloq pardasi yirtilsa, uni tiklash mumkinmi?

Shifokor Nasiba Rajabova: Quloq pardasi o‘rta quloqni tashqi quloqdan ajratib turadi. Vazifasi: himoya va ovoz uzatish. Quloq pardasi yirtilishining sabablari: mexanik jarohatlar, akustik travmalar, ya’ni haddan tashqari baland ovoz, barotravmalar, ya’ni bosim o‘zgarishi, o‘rta quloq infeksiyasi hamda bosh miya travmalari natijasida. Quloq pardasi yirtilishi belgilari: quloqda keskin og‘riq, eshitishning pasayishi, bosh aylanishi, quloqdan har xil turdagi oqmalarning paydo bo‘lishi. Davolash: quloq pardasi o‘z-o‘zidan, maxsus dori preparatlari orqali, o‘ziga xos plastir yordamida yoki operativ davo - timpanoplastika yordamida bitishi mumkin.