Майа сэлиэнньэтигэр Кыайыы күнүгэр аналлаах улуустааҕы тэрээһиннэр ыытылыннылар (09.05.2025)

УЛУУ КЫАЙЫЫ ҮБҮЛҮӨЙДЭЭХ 80 СЫЛЫНАН! Аҕа дойдуну көмүскүүр сэриигэ Улуу Кыайыы 80 сылынан долгуйа күүтүүлээх тэрээһиммит ыытылынна. Сарсыардаттан Дьоруойбут Федор Кузьмич Попов пааматынньыгар, Кыайыы Монуменыгар дьоруойдуу хорсуннук кыайбыт буойуттарбыт албан ааттарыгар сүгүрүйэн сибэкки дьөрбөтүн ууруу сиэрэ-туома буолла. “Өлбөт үйэлээх полк” патриотическай аахсыйаҕа бары нэһилиэктэрбититтэн дьон-сэргэ, оҕо аймах тоҕуоруһан кэлэн кытынныбыт. Сэриигэ хорсуннук охсуһан, олохторун толук ууран, тыылга үлэни өрө тутан дойдуларыгар Кыайыыны аҕалбыт эһэлэрин, эбэлэрин, аймахтарын мэтириэттэрин тутан, сэлэлии хаамыы өрө көтөҕүллүүлээхтик ааста диэн бэлиитиибин. Баһылай Манчаары аатынан стадиоҥҥа “Улуу Кыайыынан кынаттанан, эйэлээх олоҕу тутуоҕуҥ!” театрализованнай дьүһүйүүгэ 2250 киһи кытынна, уопсайа 6 тыһыынча кэриҥэ киһи түмсэн, ытык көлүөнэ дьоммутугар сүгүрүйүүбүтүн, махталбытын, киэн туттуубутун биллэрдибит. Улуу Кыайыы үбүлүөйдээх 80 сылынан! Ким да умнуллубат, туох да умнуллубат!