MANGTHA MAI LE/ HMANGAIH CHAN TE TAN.

Mangtha mai le. Ti hian ka ngaihtuah thin a, Mahni chauh a, Suangtuahna nen kan inkawm lai in, Ngatinge ani kha chelh loh le? Hlim taka lengtur in, Mittui nen ka thlah che a. Engkim chuan engkim inih zia- min hrilh nawn thin Sulhnu leh hlimthla chauh zawng in, Nang ngaih sulhnu- a nawt reh zo ta lo a. Fur ruah tla seng seng te, Thlasik thlifim leng vel te chuan Engkim a ka engkim kha Engmah lo a ni ta, Tih min hrilh nawn thin Hriatthiam har ka tih chu maw? Ka engkim i nih nan Engmah lo ka nih angai a. I hlim nan ka tah a ngai a, I nuihmel man to zia kha, I hrethiam pha em le? I nuih nan hliam ka tuar a, I hlim nan ka mittui tam tak- a luang asin. I hlim nan khan, Ka khawvel zat ve lak a ni a. I dam nan khan, Natna ka insiam a. Engkim a lungawi tum in, Engmah lo mai ka hmu a. Ka tap lo e, Min ngaihtuah suh aw. Ka tawrh hi a na em a! Ka hriat loh hlan in, Ka biang ah mittui a luang a ni, Ka tap lo e. In thiamlo duh suh aw, Ka tihsual ka tuar anih hi. Nang ka hmangaih che hi Ka tihsual a ni si a Indem suh aw Keimah vang chuan, Nang theihnghilh theilo che a, Ka chaklo hi Ka indem a ni. In enkawl tha la, Hlim rawh aw. Ti tu keimah pawh- ka in enkawl thei si lo. Va kal ta la Hlimna zawng zawng chu- va nei nang che. I hlimna tur in Engkim ka pek tawh che kha