Руслан Шейдаев - Хъша, яр (лезгинская поэзия)

Представляем вашему вниманию стихотворение "Хъша, яр". Читает Раджаб Сафаров (слова Шахмардана Аррана). Подписывайтесь на наш канал и не забывайте ставить 👍 на наших видео Приятного просмотра! Хъша, яр! Куьлуьз-куьлуьз камар вегьиз зи патав Ц1айлапанри гугрумдамаз хъша, яр Мич1 ацукьна ч1улав хьайла чилни цав, Ст1ал-ст1ал марф къвадамаз хъша, яр. Няни бере перишанвал алукьда, Рик1ин къенез ашкъидин тур галукьда, Зи дак1ардал кьве чубарук ацукьда, Чубарукар ксудамаз хъша, яр. Айиб авач, эх хъийида са к1ус кьван, Жувахъ галаз женг ийида са к1ус кьван, Гатфар къведа, вахтар фида са к1ус кьван, Дурнайрин куьч хкведамаз хъша яр. Яр хьанач хьи, гар хьана вун цавара, Гъвар хьана вун зи шииррин ц1арара Мелек хьана элкъвезва вун къавара, Гъетер вине хъуьредамаз хъша, яр. Каспид кьере къекъвезва зун сиягь хьиз, Хъжезамач сабур рик1из, валлагь, гъиз, Валай гъейри минет ийин, лагь, за низ, Гьич тахьайт1а рекьидамаз хъша, яр. Шахмардан Арран