Чу Ансорӣ ба рӯи тахтасангеnНавиштам чанд байти сӯзноке.nНа баҳри шӯҳратею ёдгорӣ,nФақат бар хотири як номи поке.nnНавиштам номи поки дилбареро,nПас аз он байти ишқие навиштам.nНавиштам номи худро ҳам дар он ҷо,nНавиштам номи рӯзу моҳро ҳам.nНамегӯям ки он ҷовид монад,nНамегӯям ки он осор аз мост.nНамегӯям ки баъд аз мурдани моnЗи ман он ёдгорие ба дунёст.nnФақат з-андешаи он ки ягон касnЯгон вақте агар ки хона созад,nБарои наслҳои тозадаврон,nБарои дилбараш кошона созад,nnТасодуф гар мадад созад, ҳамон сангnАз он ҷояш ба таҳдевор ояд.nАгар усто каси дилдода бошад,nЧу хонад, мекашад як оҳ шояд,nnКи вақте дар ҳамин водии гулпӯшnБа рӯи санг як лаҳза нишаста,nДу ошиқ розгӯӣ карда будандnБа роҳи зиндагонӣ аҳд баста.nnҲамин ду ном, к-андар санг нақш астnМуборакбод баҳри мост гӯё.nРафиқон, бишнавед овози ошиқ –nСаломи ӯст бо ин санг бо мо.nnАҷаб не, гӯяд ӯ бар дигарон ҳам,nКи санге дар таҳи як хона бошадnВа дар он номи ду ошиқ навишта:nЯке Мустафо яке Ҷонона бошад...!!!n

Автор

0000-00-00 2:59 0:00