ВИЧ – шииткел эвес, Кызылдың чурттакчызы хөй ажы-төлдуг иениң төөгүзү.

Россияда 2024 чылдын төнчүзүнде 1 млн 200 кижи ВИЧ аарыг болган. Чүгле эрткен чылын безин 52 муң чаа таварылга демдеглеттинген. Тыва Республика база ону оюп эртпээн. Бо чылын 325 кижиде ВИЧ аарыг бадыткаттынган. Кижи бүрүзүнүң төөгүзү аңгы, аарышкы, бүзүрел болгаш демисел. Хөй ажы-төлдүг ие Айлана (маадырның кузели-биле адын өскерткен) ВИЧ аарыг деп чүүлдү каш чыл бурунгаар билип каан. Чөшпээрештейн, хүлээп албаан үелери, аарыгны хүлээп алганы, төнчү чок эмнээшкиннер. Чүгле ажы-төлү дээш Айлана эмненип эгелээн. Айлана бодунуң төөгүзү-биле, муңгаралдары, сагыш сеткилин бистиң-биле үлешкен.