Ирон театры бындурыл скъола-студи байгом фарон

Ирыстоны æмæ ирон театры рухс фидæн - ирон æвзаг чи уарзы æмæ йыл чи дзуры, уыцы сабитæ.        Ирон театры бындурыл скъола-студи байгом фарон. Театры дæсныдæр артисттæ сын раргом кодтой актеры куысты сусæгдзинæдтæ. Кæстæрты ахуыр кодтой кафын, зарын, ныв кæныныл. Афæдзмæ сабитæ цы базыдтой, уый ныр та равдыстой класс-концерты. Цымыдисаг номыртæ, кæфтытæ, суанг ма фæсарæйнаг аргъæутты архайджытæ дæр иронау сдзырдтой. Сывæллæттæ бакуыстой зæрдæргъæвдæй, фæндыд сæ, цæмæй равдыст театрдзауты зæрдæмæ фæцæуа. Бирæтæ сæ, бахъомыл уæвгæйæ, суыдзысты æцæг актертæ. Афтæмæй, кæстæртæ кæсгæйæ, адæймаджы зæрдæ фæфидар вæййы нæ фидæныл.