Сергей Меняйло схорзæхджын кодта «Кредо-знание», зæгъгæ, интелектуалон ерысты Цæгат Кавказы олимпиадæйы уæлахиздзауты

Республикæйы сæргълæууæг Сергей Меняйло схорзæхджын кодта «Кредо-знание», зæгъгæ, интелектуалон ерысты Цæгат Кавказы олимпиадæйы уæлахиздзауты. Хистæр кълӕсты азуырдзауты &мадзал цыд 26-æмæй 29-æм апрелмæ. Йæ аразæг – ахуырады райрæзты фонд «Кредо – Знание». 27 архайæджы Цæгат Кавказы федералон зылдæй сæ зонындзинæдтæ иртæстой цыппар предметæй. 13-æй дзы райстой æппæтты фылдæр балтæ. Олимпиадæ аразынвæнд кæнынц æрвылаз. Цæудзæн радгай Цæгат Кавказы республикæты. Регионы разамонæг Сергей Меняйло арфæ ракодта ерысты архайджытæн сæ æнтыстдзинæдты фæдыл. #Alania